TIRKEÝGE TURMAǴANDAR AIYPPUL TО́LEIDI

Almatyda bıylǵy jyldyń sáýir aıynyń basynda qalalyq máslıhat azamattardy tirkeýdiń jańa erejesi týraly sheshim qa­byl­­daǵan bolatyn. Al, azamat­tardy tirkeýdiń jańa erejesi negizinen mıgrasııalyq úderisterdi zertteýge baǵyttalyp otyr. Tur­ǵyn úı jaǵdaıyna jáne sanı­tar­lyq normaǵa oraı ár adamǵa tıesi­li kólem – 15 sharshy metr, úı ıeleri óz páterinde osyndaı múm­kindik bolsa, shańyraǵyna jáne taǵy bir adamdy tirkeı alady. Degenmen, almatylyqtar óziniń jeke shańyraǵyna jaqyn týys­taryn (zań aktisinde onyń tizimi kórsetilgen), sonymen qatar óz beti­men ómir súre almaıtyn, emde­letin, uzaq issaparda júrgen, bas bostandyǵynan aırylǵan týysta­ryn úı kólemine qaramastan, tir­keý­ge de quqyly. Úkimettiń 2000 jylǵy qaýlysyna sáıkes, Almaty qalasyna úsh aıdan kóp ýaqytqa kelgender ádilet organdarynda tir­keýden ótip, tirkeý kartasyn alý­lary tıis. Ýaqytsha tirkeýdiń mer­zimi bir jylǵa deıingi ýaqytty qamtıdy. Almaty qalasy ádilet departa­menti­niń bastyǵy Baǵban Taım­betov bul shara Almatyda turatyn Qazaqstan Respýblıkasy azamat­tary­nyń múddesin qorǵaýǵa, qala­nyń krımınogendik ahýalyna edáýir áser etetin keleńsiz jaǵdaı­lar­dyń aldyn alýǵa, ishki jáne syrt­qy mıgrasııany retteýge baǵyt­talǵandyǵyn atap aıtady. Ol sonymen qatar jeke baspanasy bar bir azamattyń óz úıine 150 adamnan astam jandy tirkegenin, osylaısha paıda tapqandyǵyn aıtyp, naqty derekter de keltirdi. Azamattardy tirkeý áleýmettik baǵdarlamalardy júzege asyrý úshin de kópshilikke aýadaı qajet. “Memleket óz azamat­taryn qajetti qundylyqtar­men qamtamasyz etýge mindetti, tirkeý barysynda adam­nyń áleýmettik quqyna qatysty máseleler paıda bolyp jatady. Osyǵan oraı, qala­da tirkeýdiń jańa erejesi óte qajet boldy, bul is tártipti retteýge, adam­dardyń qaýip­sizdigi men densaý­lyǵyn saq­taýǵa oıdaǵydaı yqpal jasaıtyn bolady”, – deıdi ádilet departa­menti­niń bastyǵy. Máslıhat depýtaty Andreı Mor­gýnovtyń pikirinshe, statıstı­kalyq derekter boıynsha búginde Almatyda resmı túrde 1 mıllıon 500 myń adam tirkelgenin aıtty. Mıgrasııalyq qyzmet málimetteri qalada bir mıllıonnan astam adam­­nyń turyp jatqandyǵyn aıtady. Qalamyzǵa elimizdiń ózge óńirleri­nen, jaqyn shetelderden kelýshiler óte mol, olar jabaıy saýdamen aınalysyp, antısanı­tar­lyq jaǵ­daı­dyń qalyptasýyna ákelip soq­tyrýda. “Biz azamattar­dyń bostan­dyǵyna shekteý qoı­maı­­myz. Ońtús­tik astanaǵa óz óńirlerinde áleý­mettik máseleleri sheshil­me­gen­der kóbirek keledi. Sonyń sal­dary­nan olar jabaıy saýdamen, ­adam tasy­maldaýmen aınalysady, Al­maty­daǵy kóliktiń 30 paıyzy syrt­tan keletinderdi quraıdy. Eń soraqy­sy, qaladaǵy qylmystyq ahýaldyń odan ári kúrdelenýine, eń aldymen syrttan jáne jaqyn shetelderden kelgen­der yqpal jasap otyr” – dep atap ótti A.Morgýnov. Mıgrasııalyq polısııanyń de­rek­terin, oryn alǵan jaǵdaılardy saraptaı kelip, Almaty qalasy­nyń erekshe mártebesine qatysty zańnyń 3-babynyń 8-tarmaǵyna oraı, mıgrasııalyq úderisterdi ret­teý maqsatynda qalalyq máslı­hat komıssııasy arnaıy sheshim qabyl­dap, qalada azamattardy tir­keý­diń jańa erejelerin usynyp otyr. Qazirgi kezde zań jobasy ádi­let departamentine tirkeýge jiberildi, onda bul qujat arnaıy sarapta­ma­dan ótpek. Sodan keıin ol baspasóz betinde jarııalanyp, óz kúshine enetin bolady. Sonymen qatar, tirkeýdiń jańa erejelerin buzǵan azamat Ákimshilik kodeksi­niń 377-baby boıynsha jaýapqa tartylady. Baqyt BALǴARINA. ALMATY.