О́nerde shekara bolmaıtyny ras-aý. Radek esimdi jasóspirim Ońtústik Afrıka Respýblıkasynyń Keıptaýn qalasynda týǵan. Keıin ata-anasynyń jumys babymen Qazaqstanǵa kelip, Atyraýda úsh jyl turdy. Buryn AQSh pen Polshada turǵan ol qazaq halqynyń ulttyq kıimi men taǵamdaryn, ulttyq aspaby – dombyrany qatty unatady eken.
Al ákesi Haımısh Polstyń aıtýynsha, onyń otbasy Atyraýǵa 2017 jyly kóship kelipti. О́zi osyndaǵy sheteldik kompanııada jumys isteıdi.
– Radektiń mýzykaǵa qushtarlyǵyn baıqap, dombyra tartýdy úırengenin qaladyq. Biz qaı elde tursaq, sol eldiń mádenıetine qyzyǵýshylyq tanytamyz. Sol sebepten, ulyma dombyra satyp alyp berdim, – deıdi Haımısh Pols.
Sheteldik jasóspirimge dombyra tartýdy ustazy Jańylhan Ǵalymqyzy úıretipti. Onyń sózinshe, Radek demalys kúnderi bir, ne eki ret dombyra úırenýge kelip turǵan. Osylaı 6-7 aıda dombyra shertýdi meńgerip alǵan. Qazir 4-5 kúıdi jańylmaı oryndaıdy. Ásirese, Qurmanǵazynyń shyǵarmalaryn oryndaǵandy unatady. Sonyń ishinde «Adaı» men «Kelinshek» kúıleri bar.
– Byltyrǵy sáýirde pandemııaǵa baılanysty Polshaǵa baryp, Qazaqstanǵa qaıta orala almadyq. Qazaqstanda kóp dostarym bar. Olarmen jıi baılanysyp turamyn. Dombyra tartýdy úıretken ustazymnan ár jeksenbi saıyn Skype arqyly dáris alyp júrmin. Polshada qazaqtyń uly aqyny Abaıdyń «Kózimniń qarasy» týyndysyn úırendim. Qazir sheteldikterge dombyranyń shyǵý tarıhyn tanystyryp, qazaqtyń kúılerin oryndap beremin, – deıdi Radek.
Atyraý oblysy