Amerıkalyq saıahatshy Fess Stoýn polıak týrısi Anna Zadarmen birge Qazaqstanǵa kelgen saparynda Aqtaýdan 94 shaqyrym qashyqtyqta ornalasqan Sherqala taýynyń mańynda júrgen ıtterdi ózimen birge alyp ketken.
«Bul kúshikterdi AQSh-qa ákelgennen keıin, olardy ajyrata almadyq. Qazir olardyń jaǵdaıy qalypty. Biz bir otbasyǵa aınaldyq. Olar tipti bizdiń alǵashqy ıtimizden de úlken bolyp ósip ketti», dedi Fess Stoýn.
Sondaı-aq ol Aqtaýdaǵy úı janýarlarlarynyń jaǵdaıy máz emes ekenin óz kózimen kórgenin aıtty.
«Bizge ıtterdi tastap ketýge usynǵan oryn jantúrshigerlikteı boldy. Sol jerde ómir súrip jatqan janýarlardyń jaǵdaıy jaqsardy ma?», dep sheteldik saıahatshy óziniń alańdatatynyn jetkizdi.
Aıta keteıik, týrıster 2019 jyldyń qazan aıynda Sherqala taýynyń janyndaǵy týr kezinde qańǵybas kúshikterdi taýyp alǵan. Olar jergilikti veterınar mamandardan kómek suraǵan. Bul Qazaqstannan Amerıkaǵa ıtterdiń birinshi ret ketýi emes. 2020 jyldyń jeltoqsanynda azaptalǵan atyraýlyq ıt te AQSh-qa ushyp ketken bolatyn.