ELIMIZDIŃ ÁRBIR AZAMATY

ShETELDIK INVESTORLARDYŃ NEMEN AINALYSYP JATQANYN BILÝGE QUQYLY Bir ǵana Atyraý oblysynda 100-den astam sheteldik ınves­torlar tirkelip jumys isteýde. Al olardyń nemen aınalysyp jat­qa­ny, elge qandaı paıda tıgizgeni, qansha salyq tóleıtini, qanshama adam eńbek etetini, onyń neshe paıyzy qazaqstandyq ekeni, olardyń eńbek aqysy jóninde qarapaıym halyq túgili, Par­lament depýtattary – bizderge de beımálim. Elimizdiń joǵary oqý oryn­daryn bitirgen jas mamandary­myz óz tujyrymdamalaryn alǵan mamandyǵy boıynsha sheteldik kompanııalarǵa tapsyrǵanmen, jumysqa ornalasqany jóninde eshqandaı málimet joq.  Birneshe aı, tipti jyldap jaýabyn kútken­men, oń sheshim bolmaǵan soń, jas maman otandyq kompanııalardy saǵalaıdy nemese bazar jaǵalap, jumyssyzdar qataryn tolyq­tyrady. Sheteldik ınvestorlardyń ju­mysyn kóp aıta bermeımiz. My­saly, Atyraý, Mańǵystaý ob­lystarynyń jurtshylyǵy “Qaz­MunaıGaz” UK” AQ-tyń  basshy­laryna óz suraqtaryn qoıyp, kóptegen talaptardy alǵa tartyp otyrǵanyn biz jaqsy bilemiz. Al osyndaı talapty biz sheteldik ınvestorlarǵa qoıyp júrmiz be degen oryndy suraq týyndaıdy. Elimizde jumys jasap jatqan kez kelgen ınvestorǵa zańdy talap bolsa qoıýymyz  qajet dep bi­le­miz.  Sondyqtan bizdiń birinshi suraǵymyz: “QazMunaıGaz” UK” AQ qyz­metkerlerinen 39 ese kóp jalaqy alatyn ENRC (Mashkevıchtiń Eýrazııalyq toby), sol sııaqty 20 ese artyq jalaqy alatyn “Qa­zaqmys” AQ sııaqty kompanııalar qyzmetkerleriniń eńbekaqylary nege osynsha aıyrmashylyq quraıdy. Sońǵy kezde “QazMunaıGaz” UK” AQ jóninde kóp aıtylyp júr. Ásirese, olardyń eńbek­aqy­lary kóp, qyzmetkerlerine erek­she jaǵdaılar jasalǵan degendi estımiz. Shyndyǵynda solaı ma? Búgingi kúni elimizdiń munaı sa­lasyndaǵy Exxon Mobil, Lý­koıl, Shell jáne basqa da shetel kompanııalarynyń menedjerle­riniń eńbekaqysy “QazMunaıGaz” ulttyq kompanııasy mamandary­nyń eńbekaqysynan áldeqaıda joǵary bolǵandyqtan, kásibı sheber mamandar basqa kompanııa­larǵa ketip jatqany anyq baıqalýda. Sondyqtan biz Úkimetten, “Samuryq-Qazyna” Ulttyq ál-aýqat qory” AQ-tan ulttyq mu­naı-gaz óndirý kompanııalarynyń eńbekaqysy, áleýmettik jaǵdaıy bizdiń elde osy salada istep jatqan ınvestorlardan kem bolmaýyn qadaǵalaýdy suraımyz. Bizdiń oıymyzsha, elimizdiń ulttyq kompanııalary shetel ınvestorlarymen terezesi teń, joǵary dárejede bolýy shart dep sanaımyz. Sonda ǵana biz munaı-gaz salasynda basqa eldermen teń jaǵdaıda, óz baılyǵyn ashyq, halqymyz úshin, áleýmettik jaǵdaılarymyzdy jaqsartý úshin paıdalanyp jatyrmyz dep senimmen aıta alamyz. Olaı bolsa, qazba baılyq óndi­rýde jumys jasap jatqan ult­tyq kompanııalar men shetel­dik kompanııalardyń basty máli­metteri (jalpy kólemi, eńbek ete­tinder sany, onyń ishinde qazaq­standyqtar sany, eńbekaqylary, t.b.) jarııaly bolýy tıis dep bilemiz. Uzaqqalı ELEÝBAEV, Májilis depýtaty. О́ZARA YNTYMAQTASTYQ KО́RINISI Álemdik qoǵamdastyqtyń jahandaný zamany alǵa tartqan talap-tilek údesinen kóriný – el­dik múddeni arqalaǵan ár azamatqa paryz. Bul rette halyq qalaý­ly­laryna júkteler mindettiń de ózindik salmaq-júgi aýyr ekeni aı­qyndalyp shyǵady. Osy oraıda olardyń jumysyn kórsetetin bas­pasóz qyzmetiniń jýrnalıs­ter­men ózara turaqty ári ná­tı­jeli baılanys ornata bilýiniń mańyzy joǵary. Búginde Parlament Májili­si­niń baspasóz qyzmeti men “Ege­men Qazaqstan” gazeti arasynda áriptestik baılanys ornaǵan. Ta­raptardyń ortaq únqatysý ala­ńyn qurýǵa umtylýy – kóptegen eki jaqqa da tıimdi máselelerdiń oń  sheshilýine yqpal etýde. Jaqynda Parlament Májilisi baspasóz qyzmetiniń qyzmetker­leri Sáýle Dosjanova men Aı­batyr Seıtaq 90 jyldyq tarıhty eńsergen “Egemen Qazaqstan” ga­zetiniń jańa ǵımaratyna arnaıy  at basyn burdy. “Egemendikterdi” qonys toıymen quttyqtaı kele, olar jyl saıynǵy qalyptasqan ıgi dástúr boıynsha jýrna­lıs­terge naýryz kójeden dám tatyr­dy. Jáne de basylym jýrnalıs­terimen áriptestiktiń nyǵaıa tús­ken­digin qalaıtyndyqtaryn, bul óz kezeginde  baspasóz qyzmeti men gazet jumysyn ońtaı­lan­dy­rýǵa sep bolatynyn atap ótti. Láıla EDILQYZY.