Shaharda jaıaý júrginshiler ótkelin proeksııalyq jaryqtandyrýdyń synaq jobasy iske qosyldy. Shymkent qalasy ákiminiń orynbasary Maqsut Isahov jańa joba júrginshilerdiń qaýipsizdigin qamtamasyz etý maqsatynda qolǵa alynǵanyn jetkizdi.
«Jaıaý júrginshilerge arnalǵan proeksııalyq ótkel kóptegen artyqshylyqqa ıe. Máselen, proeksııa jaıaý júrginshini jaryqtandyrady jáne ony qarańǵyda aıqyn kórsetedi. Avtomobıl faralarynyń jaryqtyǵy men baǵytyna baılanysty emes, túrli aýa raıynda, jolda qar, shuńqyrlar, muz, batpaqtar bolǵan kezde de kórinedi», deıdi qala ákiminiń orynbasary.
О́tkel ázirge qaladaǵy Sypyrǵan ata kóshesi men Ál-Farabı kóshesiniń qıylysy, Temirlan tas jolyndaǵy Satti zhol janar-jaǵarmaı beketiniń mańyna qanatqaqty joba retinde ornatylǵan.
ShYMKENT