Memleket Táýelsizdik jyldarynda bıznesti qoldaý boıynsha keshendi sharalardy júzege asyrdy. Bul týraly Business Integrity Forum barysynda Sybaılas jemqorlyqqa qarsy is-qımyl agenttiginiń tóraǵasy A.Shpekbaev bıznesti qoldaý boıynsha memleket júzege asyrǵan sharalar týraly aıtyp berdi, dep habarlaıdy Egemen.kz
Onyń aıtýynsha, bıznes pen ınvestorlardyń múddelerin qorǵaýdyń uıymdyq qurylymy sheteldik ınvestorlar men Ulttyq ınvestorlar Keńesinen, «Astana» Halyqaralyq qarjy ortalyǵynan turady. Sondaı-aq kásipkerlerdiń quqyqtaryn qorǵaý jónindegi Ýákil ınstıtýty, «Atameken» UKP jáne «Kazakh Invest» Ulttyq kompanııasy jumys isteıdi.
«Halyqaralyq standarttardy eskere otyryp, sybaılas jemqorlyqqa qarsy zańnamalyq bastamalardyń úsh toptamasy qabyldanyp, tórtinshisi pysyqtalyp jatyr. Jalpy alǵanda, memleket halyqaralyq tájirıbe konteksinde kásipkerler men azamattardyń quqyqtaryn qorǵaý úshin qajetti jaǵdaılar jasaýdy jalǵastyrady», dedi A.Shpekbaev.
Sonymen qatar ol iske asyrylyp jatqan baǵdarlamalar men bıznesti qoldaý jobalary týraly aıtyp berdi. Onyń pikirinshe, bul sharalar kesheni elimizge 350 mlrd AQSh dollaryna jýyq tikeleı sheteldik ınvestısııa tartýǵa múmkindik berdi.