Qazaqstan Iran halqyna beıbit turǵyndar men el basshylyǵy ókilderiniń qaza tabýyna baılanysty qaıǵyra kóńil aıtty. Sonymen qatar halyqaralyq gýmanıtarlyq quqyq normalaryn saqtaý jáne qaqtyǵystardy tek saıası-dıplomatııalyq jolmen retteý qajettigin atap ótti. Bul týraly elimizdiń Syrtqy ister mınıstrliginiń resmı ókili Erlan Jetibaev málimdedi, dep habarlaıdy Egemen.kz.
«Sońǵy qaıǵyly oqıǵalar saldarynan beıbit turǵyndardyń, onyń ishinde balalardyń, sondaı-aq Islam Respýblıkasynyń joǵary basshylyǵy ókilderiniń qaza bolýyna baılanysty Iran halqyna qaıǵyryp kóńil aıtamyz.
Qazaqstan dostyq pen jan-jaqty yntymaqtastyq qatynastaryn dáıekti túrde damytyp kele jatqan jáne Iranǵa qarsy soǵysqa qatyspaıtyn arab memleketteriniń azamattyq nysandaryna jasalǵan soqqylarǵa baılanysty ókinish bildiredi», dedi ol.
Resmı ókildiń aıtýynsha, halyqaralyq gýmanıtarlyq quqyq normalaryn saqtaý qarýly qaqtyǵystar kezinde azamattyq nysandar men beıbit halyqty erekshe qorǵaýdy talap etedi. Qazaqstan Halyqaralyq gýmanıtarlyq quqyqqa saıası beıildilikti kúsheıtý jónindegi jahandyq bastamany usynýshylardyń biri retinde qarýly qaqtyǵystar jaǵdaıynda adamgershilikti saqtaýdyń mańyzdylyǵyn atap ótedi.
Iran sheteldik stýdentterdiń elden shyǵý tártibin jeńildetti
«Qazaqstan halyqaralyq daýlar men qaqtyǵystardy halyqaralyq quqyq normalary men BUU Jarǵysyn qatań saqtaı otyryp, tek saıası-dıplomatııalyq jolmen retteý qajettigi jónindegi óziniń qaǵıdatty ustanymynyń ózgermeıtinin rastaıdy.
О́ńirdegi zorlyq-zombylyqtyń odan ári ýshyǵýyna jol bermeý maqsatynda barlyq taraptardy barynsha ustamdylyq pen jaýapkershilik tanytýǵa shaqyramyz», deıdi Erlan Jetibaev.
Iran Netanıahýdyń keńsesine soqqy jasady