Amerıka Qurama Shtattary Qazaqstanǵa vızasyz rejım berýge áli daıyn emes. Bul týraly Qazaqstandaǵy AQSh elshisi Ýılıam Mozer aıtty, dep habarlaıdy Egemen.kz
«Meniń oıymsha, bizdiń el vızasyz rejım berýge áli daıyn emes. О́ıtkeni bul óte uzaq ári kúrdeli prosess. Qazirgi pandemııa kezinde de vızalar boıynsha óte kóp shekteýler bar», dedi Ý. Mozer AQSh elshiligi uıymdastyrǵan onlaın dóńgelek ústelde tilshi suraǵyna bergen jaýabynda. Sonymen birge, jýrnalıster «Qazaqstan azamattary úshin vızasyz rejım engizý týraly kelissózder boldy ma?» degen suraq qoıdy.
«Ázirge, Qazaqstanmen vızasyz rejım týraly kelissózder bolǵan joq. Qazir Vashıngtonda jańa ákimshilik jumys isteıdi, mundaı suraqtar talqylaýda bolady, biraq dál qazir ákimshilik úshin basqa máseleler basymdyqta bolyp otyr. Biraq, bul bizdiń kelissózder júrgizbeıtinimizdi bildirmeıdi», dep jaýap berdi AQSh elshisi.
Buǵan deıin Ý.Mozer AQSh pen Qazaqstan arasynda tikeleı áýe reısterin ashý jóninde pikir bildirgen edi.