ATA ZAŃ – NEGIZGI BAILYǴYMYZ

Konstıtýsııa – 15 Konstıtýsııa – ár memlekettiń saıası bet-beınesin kórsetetin, onyń myzǵymastyǵy men birtutas­ty­ǵyn, halyqtyń, bıliktiń qaǵıda­la­ryn bekitetin quqyqtyq bas qu­jat. Konstıtýsııa osynaý jeti jar­ǵydan bastaý alǵan tarıhy tereń joldyń jalǵasy. Ata Zańymyzǵa bıyl 15 jyl tolǵaly tur. Alla jazsa, bıylǵy barys jylynyń 30 tymyzy kúni bul mereıtoıdy búkil el bolyp laıyqty tabystarmen qarsy alamyz. Endi elimizdiń qundy bas qujaty týraly ótkenge oı jiberelik. Aıtar bolsaq, arnaıy Konstıtýsııa qa­byl­­dap, sonyń negizinde qyzmet etý bizdiń elimizde alǵash ret 1920 jylǵy deklarasııadan bastalady eken. Sol deklarasııaǵa sáıkes 1926 jyly Konstıtýsııa jobasy jasal­ǵan. Odan keıin elimizde 1937, 1978, 1993 jyldary Konstıtýsııalar qabyldandy. Al búgingi el ıgiligine, ósip-órkendeýimizge qyzmet etip kele jatqan Konstıtýsııa búkil halyq bolyp daýys berýimizdiń ná­tıjesinde 1995 jyly qabyldanyp, qoldanysqa engizildi. Elimizdiń eń qymbat qazynasy – adam men onyń ómiriniń jáne bostandyǵynyń kepili retinde jańarǵan Ata Zańymyz búginde Qazaqstan halqynyń órkenıet kó­shine qosylýyna jan-jaqty qyzmet etip keledi. Sonyń nátıjesinde Qazaqstandaǵy oń ózgerister kóńil qýantarlyqtaı. Máselen, Elbasy usynǵan “Qazaqstan-2030” Stra­tegııalyq damý baǵdarlamasyn iske asyrýǵa tıgizip otyrǵan oń yqpaly aıtarlyqtaı. Elimizde buryn-sońdy bolmaǵan qurylystar qar­qyn alyp, azyp-tozýǵa az qalǵan aýyldardyń ajary ashylyp, qanshama jyldardan beri qordala­nyp, sheshimin kútken problema­lardyń túıini tarqatyldy. Elimiz alys-jaqyn shetelderde turatyn qandastarymyzdy shaqy­ryp, oralman retinde kóshirip áke­lý­di júzege asyra bastady. Jer­gilikti halyqtyń bas aýyrtar prob­lemalary – aýyz sý, jol, gaz másele­lerine erekshe mán berilip, qyrýar tirlikter atqarylýda. Sondaı-aq, talantty, daryndy jastarymyz álem­niń ataqty joǵary oqý oryn­darynda bilim alyp jatyr. Memlekettik jáne bıýdjettik sala qyzmetkerleriniń, stýdentterdiń, zeınetkerlerdiń, múgedek, muqtaj jandardyń jaǵdaıy jyl sanap jaqsaryp keledi. Qarapaıym halyq pen bılik ara­syndaǵy baılanys ornyǵa túsý­de. Búginde árbir adam senim tele­fony arqyly kez kelgen kemshilik pen olqylyqty joǵarydaǵy tıisti basshylarǵa ashyq ári batyl túrde jetkizýge múmkindigi bar. Onyń ústine, Prezıdentimizdiń ekonomı­kalyq jáne sybaılas jemqorlyqqa qarsy kúres ashqany da kóptegen zań buzýshylyqtardy bilýmen qatar, odan arylýǵa kómektesýde. Qoryta aıtqanda, elimizdiń árbir azamaty Konstıtýsııaǵa sáı­kes eńbek etip, bilimin kóterip, den­saýlyǵyn jaqsarta alady. Osynyń barlyǵy adamzat balasynyń qu­qyq­tary men bostandyqtaryn qor­ǵaıtyn Konstıtýsııanyń arqasy jáne de elimizdiń kóregen kóshbas­shysy N.Á.Nazarbaevtyń eren eńbeginiń nátıjesi. Ata Zańymyz – eń úlken ta­rıhı jetistigimiz. Ony túsinip bilýimiz ári qurmetteýimiz Qazaqstan azamatynyń tól mindeti ekenin umytpaǵanymyz jón. О́ıtkeni, Ata Zań azamattyq kepildigimizdiń negizgi kórsetkishi bolyp tabylady. Esbergen QÝANYShBAEV, Qoshqarata aýyldyq  okrýginiń ákimi. Ońtústik Qazaqstan oblysy, Saryaǵash aýdany