Tatarstannyń astanasy Qazan qalasynda ártistik júzýden ótken álemdik serııanyń úshinshi kezeńinde Qaraǵandynyń jas sportshylary tamasha óner kórsetip, úzdik nátıejelerge qol jetkizdi.
Álemniń 12 eliniń úzdik komandalary qatysqan bul jarysta quramynda Ekaterına Sımonova, Elena Krylova, Nargız Bolatova, Ksenııa Makarova, Eterı Kakýtıa jáne Arına Mıasnıkova bar ujym «haılaıt» synynda úzdik shyǵyp, chempıon atandy. Sondaı-aq dál osy quramda olar tehnıkalyq baǵdarlama boıynsha qola medalǵa ıe boldy.
Eske sala ketsek, «haılaıt» dep atalatyn jańa syn FINA tehnıkalyq kongresiniń sheshimi boıynsha 2017 jyldan bastap ártistik júzý jarystarynyń baǵdarlamasyna engizilgen bolatyn. Bylaısha aıtqanda, saıystyń bul túrin «sý akrobatıkasy» dep te ataýǵa bolady.
Sonymen qatar atalǵan jarysta qaraǵandylyq jup – Karolına Ivanova men Vıktor Drýzın dýeti tehnıkalyq baǵdarlamada qola júldeni qanaǵat etti.
Álemdik deńgeıdegi dodada tolaıym tabysqa qol jetkizgen sportshylar – oblystyq olımpıadalyq rezervtiń mamandandyrylǵan júzý sport mektebiniń tárbıelenýshileri. Tek arala-
ryndaǵy Vıktor Drýzın Qaraǵandydaǵy Álııa Moldaǵulova atyndaǵy sporttaǵy daryndy balalarǵa arnalǵan mektep-ınternat-kolledjde oqıdy.
Qaraǵandy oblysy