Boryshkerlerge psıhologııalyq qysym jasaıtyn kollektorlyq agenttikter endi bolmaıdy, dep habarlaıdy Egemen.kz.
Búgin senatorlar qabyldaǵan zań olarǵa bógde adamdardyń telefon nómirlerinen boryshkerlerge habarlasýǵa tyıym salady. Odan bólek, agenttikter boryshkermen sóılesýdiń kez kelgen prosesine beıne jáne aýdıo túrinde jazba júrgizýge mindetti bolady. Senatorlardyń pikirinshe, bul norma kollektorlar tarapynan dóreki sóılesý nemese zańnamany buzýdyń aldyn alady.
Sonymen qatar nesıe tarıhy nashar adamdar endi asa qajet bolǵan jaǵdaıda nesıe ala alady. Eger buryn ondaı tarıhty saqtaý merzimi 10 jyl bolsa, búginde qabyldanǵan túzetýlerge sáıkes bul merzim 5 jylǵa deıin qysqarady.
«Azamattardyń nesıe tarıhyn saqtaý merzimi de mańyzdy másele bolyp otyr. Bankter ótken 10 jylda qaryz tólemderiniń merzimin ótkizip alǵan adamdarǵa kredıt berýden bas tartady. Nesıe tarıhyn saqtaý merzimi 10 jyldan 5 jylǵa deıin qysqarǵanda bizdegi 490 myńǵa jýyq otandastarymyz qajet bolǵan jaǵdaıda bankter men mıkroqarjy uıymdarynan nesıe alýǵa múmkindik alady», dedi senator Olga Perepechına.
Zańda bank qaryzdary men mıkrokredıtter boıynsha problemaly bereshekterdi sotqa deıin retteý tetikteri de jetildirildi. Endi merzimi ótken kredıtter boıynsha bereshekti retteýdiń biryńǵaı quqyqtyq tártibi kózdelip otyr, ol bankterdiń qaryzdaryna ǵana emes, sondaı-aq mıkroqarjy uıymdarynyń kredıtterine de qoldanylady. Sondaı-aq qaryz alýshylardyń kredıtorlarǵa ótinishterin qaraý merzimi 180 kúnnen 90 kúnge deıin qysqartyldy.