Qytaı orbıtaǵa turaqty ǵarysh stansasynyń negizgi modelin qondyrdy. Ekıpaj múshelerine arnalǵan jatyn oryndary bar Tiangong Ýenchan ǵarysh aılaǵynan Long March-5B zymyranymen jiberildi.
Osylaısha Qytaı 2022 jylǵa deıin ǵarysh stansasynyń jumysyn bastaýǵa nıetti. Búgingi kúni orbıtadaǵy jalǵyz stansa – Halyqaralyq ǵarysh stansasy. Al Qytaı ol qoǵamdastyqtan shettetilgeni belgili.
Jalpy, ǵaryshty ıgerý máselesine Qytaı keshteý aralasty. Alǵashqy ǵaryshkerlerin 2003 jyly ǵana jiberdi. Sóıtip KSRO men AQSh-tan keıingi ǵaryshqa adam jibergen úshinshi el atandy.
Qytaı buǵan deıin de 2 ret zymyran ushyrdy. Tiangong-1 pen Tiangong-2 ǵaryshkerler tek qysqa ýaqyt toqtaı alatyn test stansalar edi.
Jańa ǵarysh stansasynyń salmaǵy – 66 tonna. Tiangong stansasy sátti ornyqqan jaǵdaıda 10 jylǵa jýyq qoldanysqa jaraıdy-mys. Negizgi bóligi 16,6 metr bolatyn stansa kelgen ǵaryshkerlerge ómir súrýge qajetti tehnologııalar men qajet qurylǵylarmen qamtylǵan.
Beıjiń osymen toqtamaı, aldaǵy ýaqytta taǵy 10 stansa jiberýge nıetti ekenin habarlady. Jaqynda ǵana Halyqaralyq ǵarysh stansasy jobasynyń toqtaıtyny málim boldy. 2024 jylǵa qaraı odaqtaǵy Reseı, AQSh, Kanada, Japonııa men Eýropanyń birqatar eli jeke-dara jumys isteýi múmkin. Bul Qytaıdyń órisin asha túspek.
Qytaıdyń ǵaryshty ıgerýge shyndap kiriskeni eldegi úgit-nasıhattan belgili. Bir jaǵynan muny AQSh-qa jaýap dep túsinýge bolatyndaı. О́ıtkeni AQSh Halyqaralyq ǵarysh stansasynan shyǵaryp jibergennen keıin Qytaı ǵarysh ındýstrııasyn ózderi jasaýǵa kóshti.
Tiangong stansasy shamamen kelesi jyldyń basynda tolyq daıyn bolmaq. Onyń bir ereksheligi – búginde orbıtada qondyrylǵan stansadan jeńil bolýynda.
Qytaı ǵarysh baǵdarlamasymen aınalysatyn Chen Lan bul jobanyń úlken synaq bolǵanyn jasyrmady. «Bul – Qytaı úshin úlken ári mańyzdy joba», dedi sarapshy.