Fýtboldan Qazaqstan chempıonatynyń toǵyzynshy týr oıyndary Aqtóbe, Atyraý, Qostanaı, Petropavlovsk, Shymkent, Oral jáne Nur-Sultan qalalarynda ótti, dep habarlaıdy Egemen.kz
Kósh basyndaǵy «Astana» syrt alańda «Aqtóbeden» aılasyn asyrdy – 2:0. Bul kezdesýdegi eki dop ta birinshi taımda soǵyldy. Ol goldardyń avtorlary – Marın Tomasov pen Valerıı Chýperka.
«Atyraý» óz alańynda «Kaspııdi» qapy qaldyrdy – 2:1. Qostanaıda «Tobyl» «Tarazdyń» qaqpasyna jaýapsyz úsh dop saldy – 3:0.
Kelesi kún alǵashqy bolyp «Qyzyljar» men «Qaırat» jasyl alańǵa shyqty. 28-mınýtta Denıs Polıakov nysanany dál kózdep, almatylyqtardy alǵa shyǵardy. Biraq «Qyzyljardyń» oıynshylary dp qarap qalmady. 75-mınýtta Álibek Qasym tarazy basyn teńesterdi.
Shymkentte «Ordabasy» men «Turan» sheberlik baıqasty. Bul matchta qonaqtardyń mereıi ústem boldy. 30-mınýtta soǵylǵan jalǵyz doptyń avtory Temirlan Ámirov.
Asa shıelenisti oıyn Oralda ótti. «Aqjaıyqtyń» surmeregeni Nıkolaı Kovtalıýktiń jet-trıgine «Jetisýdyń» jigitteri eki golmen ǵana jaýap qaıyra aldy – 3:2.
«Shahter» men «Qaısar» arasyndaǵy «Astana-Arenada» ótken kezdesý 1:1 esebimen teń aıaqtaldy.
Jarys kestesinde «Astana» jeke-dara kósh bastap tur. Elordalyq klýbtyń qorjynynda 23 upaı bar. Ekinshi oryndaǵy «Tobyldyń» olardan tórt upaıy kem. Úshinshi satyǵa jaıǵasqan «Tarazdyń» enshisinde 17 upaı bar.