Amerıkandyq akter, prodıýser jáne rejısser Norman Lloıd qaıtys boldy, dep habarlaıdy Egemen.kz Variety saıtyna silteme jasap.
Ol Los-Andjeles qalasyndaǵy úıinde 107 jasqa qaraǵan shaqta kóz jumdy.
80 jyldyq mansabynda ol Charlı Chaplın men Alfred Hıchkoktyń fılmderine túsken. Sońǵy rólin 2015 jyly «Komplekssiz qyz» komedııasynda oınady.
Oldest.org saıtynyń habarlaýynsha, Lloıd álem boıynsha eń egde jastaǵy tanymal kıno akteri bolǵan.
Prodıýser Dın Hargroývtyń aıtýynsha, Lloıd óziniń uzaq ómiriniń qupııasyn «jaǵymsyz adamdardan aýlaq júrýinde» dep sanaıdy eken.
Aıta keteıik, akter 1914 jyldyń 8 qarashasynda dúnıege kelgen.