Májilis «Topyraqty qorǵaý týraly» zań jobasyn birinshi oqylymda maquldap, jer paıdalanýshylarǵa topyraqty saqtaýǵa baǵyttalǵan jańa talaptar engizýdi usyndy. Talaptardy oryndamaǵan fermerler memlekettik qoldaýdan aıyrylýy múmkin, dep habarlaıdy Egemen.kz.
Jańa talaptarǵa sáıkes, jer paıdalanýshylar sý, tuz, qorektik jáne jylý rejımderin retteý, artyq sýdy burý, ylǵal deńgeıin saqtaý sharalaryn júrgizýge mindetteledi. Sonymen qatar, qar toqtatý, topyraqty óńdeý ádisterin qoldaný jáne topyraqqa zııany az tehnıkany paıdalaný talap etiledi.
«Topyraq sapasynyń tómendeýi jer paıdalanýshylar úshin jaýapkershilik sharalaryna ákeledi. Qazir keıbir jaǵdaılardy qospaǵanda, fermerler topyraq qunarlylyǵynyń nasharlaǵany úshin jaýap bermeıdi», dedi depýtat Nurjan Áshimbetov.
Kóktemgi egis naýqany: Bıyl qansha fermer jeńildetilgen nesıe aldy?
Depýtattyń aıtýynsha, Qazaqstan aýmaǵynyń 75 paıyzdan astamy ártúrli deńgeıdegi degradasııaǵa ushyraǵan. Bul másele tek ekologııalyq emes, eldiń ekonomıkalyq damýy men ulttyq qaýipsizdigine de qaýip tóndiredi.
Endi fermerler topyraq jaǵdaıyna turaqty túrde agrohımııalyq taldaý júrgizip, onyń nátıjelerin biryńǵaı derekter bazasyna engizýi tıis.
Mańǵystaýda jappaı mal qyrylyp jatyr: fermerler ótemaqy talap etti
Zań jobasynda jer ýchaskelerine sıfrlyq pasport engizý de qarastyrylǵan. Onda jerdiń shekarasy men kóleminen bólek, topyraq sapasy týraly málimetter – bonıtet baly, gýmýs mólsheri, azot, fosfor, kalıı deńgeıi, tuzdaný dárejesi, qyshqyldyǵy jáne mehanıkalyq quramy kórsetiledi.
Nurbolat AMANBEK