Shyǵys Qazaqstannyń Zaısan aýdanynda belgisiz indetten ýaq mal men iri qara baýdaı túsip jatyr, dep habarlaıdy Egemen.kz.
Aýdan turǵyndarynyń aıtýynsha, bul jaǵdaı sáýirdiń aıaǵynda bastalǵan. Sodan beri Shilikti, Jalshı, Qarasaı aýyldary men jeke sharýashylyqtarda shyǵyn kóp. Shilikti aýylyndaǵy sharýa qojalyqtarynyń birinde 100 bastan astam qozy qyrylyp qalǵan.
Aldymen maldyń aýyz jáne muryn qýysyndaǵy shyryshty qabatyna jara shyǵyp, keıin aıaǵyn basa almaı qalatyn kórinedi. Aqyry shóp jeýden de qalady. Veterınarlar birneshe ret kelip, saraptama alǵan. Alaıda nátıjesi daıyn emes.
«Jańadan ólgen buzaýlar men qozylardan synama alynyp, materıaldar oblystyq zerthanaǵa jetkiziledi, sonymen qorytyndy shyǵarylady, ázirge aldyn ala qorytyndy boıynsha eshqandaı qaýipti juqpaly aýrý joq, alaıda kútimsizdikten, aryqtyqtan shyǵyn bar. Mal óte aryq, sol sebepti kókke jańadan mal aýyzy tıse sala, organızmde zat almaý prosesi buzylý negizinde osyǵan ákep soǵady», dedi oblystyq veterınarııa basqarmasy basshysynyń orynbasary Ertaı Batholdın.