Jaqynda EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Ázirbaıjan Syrtqy ister mınıstri Elmar Mamedıarovpen jáne Armenııa Syrtqy ister mınıstri Edvard Nalbandıanmen telefon arqyly sóılesti, dep habarlady QR SIM-iniń baspasóz qyzmeti.
EQYU-nyń Is basyndaǵy tóraǵasy áńgimelesýshi taraptarmen Taýly Qarabaq qaqtyǵysynyń jaǵdaıy men ony retteý máselesiniń bolashaǵyn talqylady. Q.Saýdabaev jaǵdaıdy jaqsartý joldaryn izdestirýde kúsh-jigerdi údetýge jáne bul úderiske EQYU-ǵa tóraǵa memlekettiń basshysy retinde Qazaqstan Prezıdenti N. Nazarbaevtyń jeke óziniń qatysý múmkindigine shynaıy qyzyǵýshylyǵyn tanytty.
Sonymen qatar, taraptar 16-17 shilde aralyǵynda Almaty qalasynda ótetin EQYU Syrtqy ister mınıstrleriniń beıresmı keńesine daıyndyq týraly jáne Prezıdent N.Nazarbaevtyń bastamasymen 2010 jylǵa belgilengen EQYU Sammıtiniń negizgi mazmunyn anyqtaý jóninde pikir almasty.