Úıinde jalǵyz qalǵan bes jasar bala tún ortasynda balkonǵa shyǵyp, jylap turǵan, dep habarlaıdy Egemen.kz
Bul týraly oblystyq tótenshe jaǵdaılar departamentine túngi saǵat 02:53-te habar berilipti.
«Jedel qutqarý jasaǵynyń qutqarýshylary Atyraý qalasynyń Avangard-3 shaǵyn aýdanyndaǵy №38 úıdiń balkonynda 5 jasar bala jylap turǵanyn anyqtady.
Bes jasar balany ata-anasy úıde qaraýsyz qaldyrǵan. Balkonǵa órt sóndirýge arnalǵan avtosatymen kóterilgen jasaq qutqarýshylary balany qutqaryp, polısııa qyzmetkerlerine tapsyrdy» dep habarlady departamenttiń baspasóz qyzmeti.
Keıinnen anasy balasyn úıine alyp ketkeni belgili boldy.