Iri kólemde bıýdjet qarajatyn jymqyrdy dep aıyptalǵan Qaraǵandy ákiminiń eks-orynbasary Jaqsylyq Shalabekov sotta sońǵy sózin aıtty. Ol óziniń ustalýyn jańsaqtyq ekenin aıtyp, sottan isti obektıvti túrde sheshýdi surady, dep habarlaıdy Egemen.kz.
Eske sala keteıik, Qaraǵandy qalasy ákiminiń burynǵy orynbasary Jaqsylyq Shalabekov 2020 jyly 14 qyrkúıek kúni ustalǵan bolatyn.
Eks-sheneýnik sottaǵy sońǵy sózinde qazir ómirindegi qıyn kezeńder ótip jatqanyn, segiz aıdan beri erkin demalyp, oılaný múmkindiginen aıyrylǵanyn aıtty.
«Maǵan taǵylǵan aıyp úshin ishim órtenip barady. О́z eline qyzmet etýge laıyq emes ury men jeksuryn degen ataq. Barlyq eńbek jolym syzylyp ketti. Biraz jyl azamattyq qurylys salasynda istedim. Memleketke kómek kerek kezde áıelimiz ben kámeletke tolmaǵan balamyzdy úıde qaldyryp, alǵashqylardyń biri bolyp Arys qalasynyń turǵyndaryna kómektestik. Mustafın atyndaǵy aýylda sel júrgen kezde júzdegen adam zardap shegip, úısiz qaldy. Sol kezde qurylys kompanııasy az ýaqyttyń ishinde zardap shekkenderge ondaǵan úı salyp berdi. Áriptesterim qıyn jaǵdaıǵa tap bolǵan adamdardyń ótinishine beı-jaı qaramady. Ondaı mysaldar kóp», deıdi Jaqsylyq Shalabekov.
Jaqsylyq Shalabekov Qaraǵandy qalasy ákiminiń orynbasary bolyp 2019 jyly aqpan aıynda taǵaıyndalǵan edi. Al 2011-2019 jyldar aralyǵynda qalanyń qurylys bólimin basqarǵan. Shalabekov ákim orynbasary qyzmetinde arhıtektýra, qala qurylysy, jańa áleýmettik obektiler men turǵyn úı salý máselelerine jaýap bergen.