Atyraý oblysyndaǵy Teńiz kenishinde túıirshiktelgen kúkirt shyǵaratyn zaýyt jumysyn bastady, dep habarlaıdy Egemen.kz.
Jańa zaýytty qazaqstandyq «Caspian Group Construction» JShS eki jylǵa jetpeıtin merzimde jabdyqtardy ornatyp, iske qosty. Zaýytta jergilikti 60-tan asa adamǵa jumys orny tabyldy. Aıyna 40 myń tonna túıirshiktelgen kúkirt óndiriledi.
«Teńiz kenishiniń túıirshiktelgen kúkirti Afrıka, Eýropa, Qytaı jáne basqa elderdiń naryǵyna eksporttalady. Kúkirtti basqarý jospary aıasynda jergilikti kompanııanyń múmkindigin damytý kózdelip otyr. Sondyqtan kúkirtti óńdeý qýatyn keńeıtetin joba júzege asyryldy», deıdi «Teńizshevroıl» JShS bas dırektory Kevın Laıon.
Onyń aıtýynsha, jergilikti kompanııalardy damytý – kompanııanyń negizgi strategııalarynyń biri. Bul joba ekologııalyq qaýipsizdikti jaqsartyp, óndiristik táýekelderdi azaıtady.
«Zaýyt portatıvti jáne ońaı jınalatyn GXM3 qondyrǵysymen jabdyqtaldy. Túıirshiktelgen kúkirt shyǵarý úshin álemdegi eń ozyq tehnologııalar qoldanylyp otyr», deıdi zaýyt menedjeri Ǵalıasqar Itıshev.