Qyrǵyz-tájik shekarasyndaǵy másele sheshimin tapty, evakýasııalanǵan turǵyndar aýyldarǵa oralady. Bul týraly jýrnalısterge Qyrǵyzstan MUQK basshysy Qamshybek Tashıev málimdedi, dep habarlaıdy Egemen.kz.
Tashıevtyń aıtýynsha, keshe tájik tarapymen kelissózder nátıjesiz ótti. Sondyqtan qyrǵyz bıligi Osh oblysynyń Chon-Alaı aýdanynyń birneshe aýylynyń turǵyndaryn qaýipsiz jerge evakýasııalaýdy uıǵarǵan.
«Keshe biz Tájikstannyń shekara mańyndaǵy máseleler jónindegi memlekettik komıssııasynyń basshysy general-polkovnık Saımýmın Iаtımovpen kelissózder júrgizdik. Keshegi kelissózder nátıjesiz boldy, sondyqtan biz turǵyndardy evakýasııalaýǵa májbúr boldyq. Búgingi kezdesý Bishkek ýaqyty boıynsha saǵat 13.00-de aıaqtaldy. Másele oń sheshimin tapty dep aıta alamyn. Biz birlesip 7-8 tarmaqtan turatyn hattama qabyldadyq. Eki saǵatta olardy jarııalaımyz», dedi Qamshybek Tashıev.
Ol qyrǵyz áskerlerin shyǵarý, sondaı-aq evakýasııalanǵan turǵyndardy úılerine qaıtarý boıynsha buıryq shyǵaratynyn aıtty.
«Biz qol jetkizgen ýaǵdalastyqtardy buzbadyq jáne aldaǵy ýaqytta da birlesip qabyldanǵan kelisimder sheńberinde áreket etemiz», dedi Qyrǵyzstan MUQK basshysy