Shý aýdanynda turǵyn ýchaskelik polısııa ınspektoryna birneshe pyshaq jaraqatyn saldy, dep habarlaıdy Egemen.kz.
8 maýsym kúni saǵat shamamen 22.50-de Shý aýdanynyń 37 jastaǵy turǵynynan Shý aýdandyq polısııa bólimine shaqyrtý túsken. Áıel azamattyq nekedegi kúıeýimen arasynda janjal bolǵanyn habarlaǵan.
Shaqyrtý boıynsha oqıǵa ornyna barǵan ýchaskelik polısııa ınspektoryna 27 jastaǵy er adam birneshe ret pyshaq suǵyp, oqıǵa ornynan qashyp ketken. Polısııa qyzmetkeri Shý qalalyq aýrýhanasyna jetkizildi. Qazirgi ýaqytta onyń densaýlyǵyna qaýip tónip turǵan joq.
«Derek boıynsha «Sırena-1», «Tosqaýyl» josparlary jarııalanyp, izdestirý jumystaryna Polısııa departamenti jáne Shý, Qordaı, Moıynqum, T.Rysqulov aýdandyq polısııa bólimderiniń jeke quramy jumyldy. Jedel-izdestirý sharalary barysynda kúdikti izin sýytpaı Shý aýdanynyń Alǵa aýylynan ustaldy. Onyń jeńil dárejede mas bolǵany anyqtaldy. Er adam Shý aýdandyq ýaqytsha ustaý ızolıatoryna qamaýǵa alyndy», dedi Jambyl oblysy Polısııa departamentiniń bastyǵy Janat Súleımenov Facebook-paraqshasynda.
QR QK-nyń 380-1-baby, 1-bóligi «Bılik ókiline qatysty kúsh qoldaný» boıynsha sotaldy tergeý júrgizilip jatyr.