Munaı shaharda avtobýs júrgizýshileri tarapynan jolda júrý erejesin buzý toqtar emes. Sońǵy eki kúnde olardyń 199 ret ereje buzǵany anyqtalyp otyr, dep habarlaıdy Egemen.kz.
Oblystyq polısııa departamenti baspasóz qyzmetiniń aqparatyna qaraǵanda, mundaı derek 7 maýsymnan beri ótkizilip jatqan «Avtobýs» is-sharasy kezinde tirkelgen.
«Bul is-sharanyń maqsaty – oblys aýmaǵynda jolaýshylar kóligi júrgizýshileriniń tarapynan jol qozǵalysy erejelerin buzýdy anyqtaý. О́ıtkeni, jolda júri erejesin saqtamaı, jolaýshylardyń ómirine qaýip tóndiretin júrgizýshiler bar», deıdi oblystyq polısııa departamentiniń bastyǵy, polısııa polkovnıgi Qamza Úmbetqalıev.
Onyń aıtýynsha, polısııa qyzmetkerleri eki kúnde 199 buzýshylyqty anyqtapty. Onyń ishinde jolaýshylardy, bagajdy jáne júkterdi tasymaldaý qaǵıdalaryn, manevr jasaý erejelerin buzý, tıisti ruqsatsyz qaıta jabdyqtaý, tehnıkalyq baıqaýdan ótpeý, rýlde telefondy nemese radıostansııany paıdalaný, jyldamdyqty arttyrý bar.
Al, úsh avtobýs aıyp turaǵyna qoıyldy. Jol erejesin buzǵan júrgizýshilerge qatysty ákimshilik hattamalar toltyryldy.