Bul týraly Shymkent qalasy qurylys basqarmasynyń basshysy Erbol Ahmetov ınstagram paraqshada tikeleı̆ efırde suhbat berdi. Efırde basqarma basshysy qurylysy júrgizilip jatqan nysandardyń barysy týraly aıtty, dep habarlaıdy Egemen.kz.
Bıyl mıllıondy qalada 113 nysannyń qurylysy josparlanǵan. Olardyń ishinde 79 turǵyn úı (4832 páter, 281,1 myń sh.m.), 15 ınjenerlik ınfraqurylym nysandary, 11 bilim berý nysany, 2 abattandyrý nysany, 3 mádenıet, 1 tótenshe jaǵdaı, 2 sport kesheni bar.
«Qurylys salasynda negizgi basymdyq kópqabatty turǵyn úıler qurylysyna berilip otyr. Qurylys «Nurly jer» baǵdarlamasy aıasynda júrgizilýde. Qazirgi tańda turǵyn úı qurylysy Turan shaǵyn aýdany men Ákimshilik-iskerlik ortalyǵynda atqarylyp jatyr.
Onda bıyl 61 turǵyn úıdiń (3848 páter) qurylysy júrgiziledi (49 úı kredıttik, 12 úı arendalyq). Qalǵan 32 úıdiń qurylysy 2022 jylǵa tıesili. Al Ákimshilik-iskerlik ortalyǵynda 6 arendalyq úıdiń (336 páter) qurylys jumystary júrgizilýde. Bıyl tolyq paıdalanýǵa tapsyrylady.
Sonymen qatar 8 kommýnaldyq turǵyn úıdiń (432 páter) konkýrsy aıaqtalyp, merdigeri anyqtalyp, onyń qurylysyna daıyndyq jumystary bastalyp ketti. Sondaı-aq Arǵynbekov kóshesindegi 4 kredıttik turǵyn úıdiń (216 páter) qurylysy jalǵasyp jatyr. Paıdalanýǵa tapsyrý merzimi tamyz-qarasha aılaryna josparlanǵan», dedi basqarma basshysy.
Injenerlik ınfraqurylym nysandary boıynsha bul jyly 15 nysanda qurylys júredi. Jyl sońyna deıin 6 nysan paıdalanýǵa beriledi. Sondaı-aq 1 920 orynǵa arnalǵan 4 mektep paıdalanýǵa tapsyrylady. Al qurylysy jańadan bastalatyn 7 nysannyń konkýrsy aıaqtalyp, merdigerleri anyqtaldy.
Odan bólek, qoldanystaǵy memlekettik zoologııalyq saıabaǵyn qaıta qurý, Bozaryq-3 shaǵyn aýdanyndaǵy aýyr atletıkadan olımpıada rezervin daıyndaıtyn balalar men jasóspirimderdiń mamandyrylǵan sport mektebin salý, Q.Munaıtpasov atyndaǵy ortalyq stadıonyn qaıta qurý, Mádenıet ortalyǵy sııaqty jobarlar júzege aspaq.