QazVac vaksınasynyń klınıkalyq zertteýiniń jan-jaqty parametrleri taıaý ýaqytta jarııalanady. Bul týraly QR Densaýlyq saqtaý mınıstri Alekseı Soı aıtty, dep habarlaıdy Egemen.kz.
«Medısına qaýymdastyǵy qazirgi ýaqytta qoldanýǵa engizilgen otandyq QazVas vaksınasyn ázirleýdegi Qazaqstannyń joǵary jetistigin maquldaıdy. Ol klınıkalyq synaqtyń kezeńderinen ótti. Qazir klınıkalyq praktıkada tur. Bul vaksınany bıologııalyq qaýipsizdik salasynda jumys isteıtin bizdiń jetekshi salalyq mamandar da qýattaıdy. Densaýlyq saqtaý júıesindegi barlyq mamandar bul áleýetti joǵary baǵalaıdy», dedi mınıstr Ortalyq kommýnıkasııalar qyzmetindegi baspasóz máslıhaty barysynda.
Sonymen qatar ol vaksınaǵa qatysty aqparattardyń áli kúnge qoljetimdi bolmaı otyrǵandyǵyn túsindirip ótti.
«Bilim jáne ǵylym mınıstrligi, Bıologııalyq qaýipsizdik máseleri ınstıtýty birqatar reıtıngtik jýrnalǵa birneshe maqalalaryn jiberdi. Nusqaýlyqta negizgi aqparattar, qoldaný nusqaýlyǵy, tıimdiligi, kórsetkishter men qarsy kórsetkishteri boıynsha pozısııasy qamtylǵan. Halyqqa jetkizilgen. Azamattarǵa vaksınasııa barysynda aıtylady. Taıaý ýaqytta klınıkalyq zertteýdiń jan-jaqty parametrleri jarııalanady. Bul rette eshqandaı qupııa joq. Bul taza prosedýralyq prosess», dedi Alekseı Soı.