ULY JEŃIS – HALYQ QAHARMANDYǴYNYŃ NÁTIJESI

Bıyl elimiz Uly Otan soǵy­syndaǵy Jeńistiń 65 jyldyǵyn atap ótkeli otyr.

Otan úshin qan-qasap maıdanda ot keshken ata­larymyz ben ákelerimizdiń, áje­leri­miz ben ana­larymyzdyń jan­qııar­lyq erlikteri men tylda eńbek etkenderdiń qajyr-qaıraty urpaq­tan-urpaqqa jetetin óshpes úlgi, ólmes ónege. Osy kúnderi elimizde qoǵam­dyq-áleýmettik, máde­nı shara­lar ótkizilip, erlikke taǵzym etilýde. Aqtóbe memleket­tik pedago­gıkalyq ınstıtýtynda uıym­dasty­rylǵan “Uly Otan soǵysy: zertteý ádisna­ma­sy men oqytý tájirıbesi­niń ózek­ti máse­leleri” atty halyq­ara­lyq ǵylymı-tájirıbelik kon­ferensııa jas ur­paq­tyń jadynda soǵystyń qansha­lyqty qasiret ákel­genin jań­ǵyr­tý, oǵan tarıhı baǵa berý jáne jan-jaqty tereń zert­telýin naq­ty­laı túsýdegi aıshyqty shara boldy.Oǵan elimizdiń tarıhshy ǵa­lymdarymen birge Reseıden, О́zbek­stannan da qonaqtar keldi. Aqtóbe memlekettik pedagogıka­lyq ınstı­týty­nyń rek­tory, eko­nomıka ǵy­lym­dary­­nyń doktory, professor Ǵalym­jan Nuryshev ýaqyt ótken saıyn Uly Otan soǵysynyń qasi­ret­ti jyldary tarıh sahnasynda aıshyq­tala túse­tinine toqtaldy. Surapyl soǵysqa dúnıe júziniń 60 memleketi qatys­qanynan habardar etti. Maı­danǵa attanǵan 122 423 aqtóbelik­tiń 36 700-i ǵana týǵan jerge oral­ǵan. 35 aq­tóbelik Keńes Oda­­ǵy­nyń Batyry atansa, 9-y “Dańq” ordeniniń tolyq ıegeri bolǵan. Plenarlyq májiliste fılo­sofııa ǵylymdarynyń doktory, professor Altaı Taıjanov “Tutas­tyq pen ulttyq namys – Jeńistiń kepili”, M.Lomonosov atyndaǵy Más­keý memlekettik ýnıversıtetiniń professory Z.Bo­chareva “Ekinshi dúnıejúzi­lik soǵystaǵy Reseı emıgra­sııa­­­sy”, Aqtóbe memleket­tik peda­go­gıkalyq ınstıtýtynyń pro­fessory, tarıh ǵylymdary­nyń doktory Nurtaza Ab­dollaev “Uly Otan soǵysy jyl­daryn­daǵy KSRO-nyń ulttyq saıa­satynyń tarıhna­masy” degen taqyryptarda tartymdy baıan­dama jasady. Konferensııada budan basqa da baıandamashylar shyǵyp sóılep, Uly Otan soǵysynyń kóp sa­la­ly tarıhy týraly áńgimeledi. Ǵylymı-tájirıbelik kon­fe­ren­sııaǵa qatysýshylar sodan keıin seksııalyq máji­liste Uly Otan soǵysy tarı­hynyń zert­telýi jaıynda ózara pikir aly­syp, tolǵaqty oı­laryn ortaǵa saldy. Satybaldy SÁÝIRBAI, Aqtóbe oblysy.