SÝRETKE QAÝIPSIZ JOLDY SALAMYZ

Batys Qazaqstan obly­synyń avto­jol­daryndaǵy jaǵdaıdy ázirge táýir dep aıtý erterek. Sondyqtan da jol-kólik oqıǵa­la­rynyń aldyn alý mańyzdy is bolyp sanalady. “Qara­shy­ǵanaq Petrolıým Ope­reıtıng b.V.” kompanııasy bir­neshe jyldan beri keń aý­qymdy shara ótkizip keledi. Onyń mánisi mu­naı-gaz ken ornynyń ákim­shilik orta­lyǵy bolyp taby­­­la­tyn Aqsaı qala­syn­da­ǵy jol­dardy barynsha qaýip­siz etý. Mine, sol ıgi iske arnalǵan kon­kýrstyń qorytyn­dy­la­ry shy­ǵaryldy. Onyń negizgi ta­­qyryby – qoz­ǵalys erejesin bilý jáne saqtaý. Máselen, Aqsaı qala­syndaǵy № 3 mekteptiń oqý­shysy Qansulý Asqarova kon­kýrs­tan jeńip alǵan júldeni alǵan kezde “men jumysymnyń taqyrybyn – aınalańa jiti qara” dep atadym. QPO servıstik dırektoratynyń qaýipsizdik tehnıkasy jónindegi menedjeri Pıter Djoıstyń aıtýynsha, taqyryptyq oqytý sabaqtary mektepterde turaqty júrgiziledi jáne aldaǵy kezde de jal­ǵasyn tabady. Bıyl kon­kýrsqa júzden astam jumys tańdap alynǵan edi. Eger aldyn ala júrgizilgen týrdy eskersek, onda joldardaǵy qaýipsiz júrý erejesin zerdeleýge Bórli aýda­ny­nyń myńdaǵan balalary tar­tyldy. Jeńimpazdardyń sý­retteri bılbordtarǵa aı­nalyp, Batys Qazaqstan ob­ly­syndaǵy avtojoldardyń jıekterinde menmuńdalaıtyn bolady. Lıýdmıla KORINA. Batys Qazaqstan oblysy.