Jambyl oblysynyń Moıynqum aýdanynda qurǵaqshylyqtyń saldarynan mal jappaı qyrylyp jatyr, dep habarlaıdy Egemen.kz.
Kóktemde aımaqta jańbyr jaýmaǵan. Osyǵan baılanysty jaıylymdar keýip, jemniń jetispeýshiliginen malǵa beretin azyq azaıǵan. Jambyl obylysy árdaıym kókmaısasymen tanymal bolǵan, biraq qazir fermerler jańa jaıylymdar izdeýde.
Oblys ákimdigi jaǵdaıdyń kúrdeli ekenin rastady. Moıynqum aýdanynyń aýyl sharýashylyǵy bóliminiń basshysy Qyzyr Eleýsizov bul máseleni zerttep jatqanyn aıtty.
Mamandardyń aıtýynsha, maldyń jappaı qyrylýy kútpegen shyǵyndarǵa ákelýi múmkin. Qazir aımaqtaǵy fermerler mal azyǵyn kórshi aýdandardan úsh ese qymbat baǵaǵa satyp alýǵa májbúr. Jalpy, óńirdiń jem-shóp qajettiligi 1,7 mln tonnany quraıdy.
Botagóz AMALBEK