Búginde baǵdarlama pılottyq rejımde Meńdiqara aýdanynda júzege asyrylýda. Alǵashqy qatysýshylary - Molodejnoe aýylynyń 7 otbasy, olar 100 býaz sıyrdy menshigine alyp, baǵdarlamany júzege asyrýǵa ázir. Bul týraly Qostanaı oblysynyń ákimi Arhımed Muhambetov brıfıngte aıtty, dep habarlaıdy Egemen.kz.
Baǵdarlamanyń bastamashylary – Qazaqstannyń eń iri «Olja Agro» agroholdıngi dál osy otbasylyq fermalar Qazaqstanda ǵana emes, búkil álemde et jáne mal sharýashylyǵyn damytýdyń ulttyq strategııasynyń negizin quraıdy degen senimde.
«1000 otbasylyq fermanyń» negizgi ustanymy - 100 bas iri qaradan 90 buzaý alý.
«Olja Agro» JShS ógizshelerdi bordaqylaý alańdaryna asyl tuqymdy reprodýktor retinde, sondaı-aq qasharlardyń bir bóligin qaryzdardy óteý esebinen bermek. Qalǵan mal tabyndy jańartý úshin fermerge qalady. Budan ózge, fermerdiń aı saıynǵy jalaqysy 7 jyl ishinde, mindettemelerdi tolyq ótegenge deıin, 350 myń teńgeni quraıtyn bolady.