Ulytaý aýdany Aqtas aýyldyq okrýginiń Pıoner eldi mekeniniń mańynda 2 myń gektarǵa jýyq eń úlken órt oshaǵy shoǵyrlanǵan. Qazir aýylǵa jaqyn mańda jumys júrip jatyr. Eldi mekenge qaýip tónip turǵan joq, dep habarlaıdy Egemen.kz.
О́rt Jangeldi jáne Aqtas aýyldyq okrýgteriniń aýmaǵynda aýyzdyqtalyp jatyr.
«О́rtti sóndirýge jergilikti atqarýshy organdardan, erikti órt sóndirý quramalarynan, sondaı-aq TJ departamentinen 87 tehnıka jáne 197 adam jumyldyryldy. Qazirgi ýaqytta Pıoner aýylyna qaýip tónip turǵan joq. Eldimekennen 3-5 shaqyrym qashyqtyqta janý oshaqtary boldy. Olar ınjenerlik tehnıkanyń kómegimen aýyzdyqtalyp, sóndirildi», dep habarlady Qaraǵandy oblysy TJ departamentiniń bastyǵy polkovnık Murat Qatpanov.
Eń kúrdeli ýchaskeler – qystaýlarǵa, fermerlik sharýashylyqtarǵa ot jaqyndamas úshin jedel túrde oqshaýlandy jáne sóndirildi. Degenmen, jumys áli de jalǵasyp jatqan jeke aýmaqtar bar. Oqıǵa oryndaryna qosymsha TJD qyzmetkerleri keledi dep kútilýde.
Olar eń qıyn jerlerge qoıylady. Jergilikti atqarýshy organdar órt sóndirý boıynsha barlyq qajetti sharalardy qabyldap jatyr. Jalpy jaǵdaı baqylaýda.