Memleket basshysy Qasym-Jomart Toqaev qol qoıǵan jer qatynastaryn damytý týraly zań biz úshin óte mańyzdy. О́ıtkeni jerdi jalǵa alǵanymen, paıdaǵa asyrmaı júrgen kásipkerlerimiz jeterlik.
Al jer 1-2 jyldan keıin sapasyn, qunaryn joǵaltady. Sondyqtan jerdi paıdaǵa asyrmaǵan kásipkerlerden jer teliminiń alynýy durys dep esepteımin.
Ákimdikterdiń baqylaý fýnksııalaryn mınıstrlik deńgeıine ótkizý de mańyzdy. Ákimdik jergilikti atqarýshy organ bolǵanymen, másele joǵary deńgeıde rettelýi kerek. Sebebi ákimdiktermen «kelisý» arqyly jemqorlyqtyń oryn alý múmkindigi joǵary.
Jerdiń satylmaı, jalǵa berilýi de durys sheshim. О́ıtkeni jer – halyqtyń menshigi. Munyń ıdeologııalyq túrǵydan da máni bıik. Halyqtyń sana-sezimine áseri úlken.
Taǵy bir aıtarym, aýyl sharýashylyǵy jerleriniń basqa baǵytta qoldanylmaýy da qoldaıtyn sheshim. О́ıtkeni bizdiń baý-baqshany aman alyp qalý múmkindigimiz joǵarylaıdy. Bárimiz kórip júrgendeı, baý-baqshany qaltaly kisiler satyp alyp, biryńǵaı baılar turatyn jerge aınalyp bara jatyr. Endi bul rettelip, aýyl sharýashylyǵyna arnalǵan jer óz retimen qoldanylmaq.
Nurlan О́TEShEV,
Respýblıkalyq kásipodaqtar federasııasy tóraǵasynyń orynbasary