Túrkistan oblysynda Qazaqstan aýmaǵyna zańsyz kirgen sheteldikter ustaldy, dep habarlaıdy Egemen.kz.
Saryaǵashta polısııa qyzmetkerleri Jibek joly aýylynda ornalasqan aınalma tasjol arqyly QR aýmaǵyna zańsyz kirip ketken О́zbekstannyń 2 azamatyn ustady.
Tártip saqshylary atalǵan quqyqbuzýshylyqty QR QK 392-baby («Qazaqstan Respýblıkasynyń Memlekettik shekarasyn qasaqana zańsyz kesip ótý») boıynsha tirkedi.
Polısııa qyzmetkerleriniń júrgizgen jedel-profılaktıkalyq sharalarynyń nátıjesinde atalǵan azamattar Almaty qalasyna jumys jasaý maqsatymen kelgeni belgili boldy. Olar Saryaǵash aýdandyq polısııa bólimine jetkizildi.
Qazirgi tańda kúdiktiler qamaýǵa alynyp, atalǵan jaıtqa baılanysty tergeý amaldary júrgizilip jatyr.