Túrikmenstan Prezıdenti Gýrbangýly Berdimuhamedov uly Serdardy Premer-Mınıstrdiń qarjy jáne ekonomıka jónindegi orynbasary etip taǵaıyndaý týraly jarlyqqa qol qoıdy, dep habarlaıdy Egemen.kz Interfaksqa silteme jasap.
Osy qyzmetti atqarǵan Gadyrgeldi Mýshshıkov «basqa jumysqa aýysýyna baılanysty» qyzmetinen bosatylǵan Merdan Annadýrdyevtiń ornyna Ortalyq bankti basqaratyn boldy. Aqpannyń basynda M. Annadýrdyev prezıdentten qatań sógis alǵan.
Prezıdenttiń basqa jarlyǵymen Serdar Berdimuhamedov Túrkimenstannyń Joǵarǵy baqylaý palatasynyń tóraǵasy qyzmetinen bosatylyp, Túrikmenstan Memlekettik qaýipsizdik keńesiniń quramynan shyǵaryldy.