Másele sheshimin tapty

Onda Bilim jáne ǵy­lym mı­nıstr­liginen tús­ken buıryq naq­ty bolmaǵan­dyqtan, mektep muǵa­lim­deri men balabaq­sha tár­bıeshilerine modera­tor­ly­ǵy, pedagogıkalyq she­ber­­ligi, zert­teýshiligi, sa­rap­shylyǵy úshin tó­lenýge tıisti qosymsha aqy­­lar tó­lenbeı otyrǵany tý­ra­ly syn aıtylǵan. Pe­tro­pavl qalalyq bilim bó­liminiń bas­ býhgalteri N.Bıjigitova buıryq anyq jazylmaǵandyqtan, qosymsha aqylardy tóleýge bata al­maı otyrǵandyǵyn jetkizgen-di. 

Gazet synynan keıin mı­nıstr­­lik buıryqqa tú­sinik berip, atalǵan ataq­tary úshin muǵa­lim­der men tárbıeshilerge qosym­sha aqylar tólene bastapty.  

Bul qomaqty qosymsha aqylar bilim salasy qyz­metkerleriniń óz ma­man­dyǵy boıynsha kásibı sheberligin arttyrýǵa degen yn­tasyn oıata túseri sózsiz. Mysaly, «Pedagogıkalyq sheberlik» dárejesin qorǵaǵan árbir us­tazǵa aı saıyn 88 200 teńge qo­symsha tólenedi. Ondaı ustazdar Petro­pavl qalasynda ázirge tór­teý eken. Al endi «Pedagog-zert­teýshi» dáre­jesin alǵandar 95 adam. Bulardyń qosymsha aqysy aı saıyn 62 847 teńgeden. Al mode­ratorlyǵy úshin ustazdar 41 983 teńgeden alady. Olardyń sany da 80-nen asady.  Osyndaı ataq­tar alǵan balabaqsha tárbıe­shileri de qomaqty qosymsha aqyǵa qol jet­kizipti.

Mektep dırektorlary men olardyń orynbasar­laryna da tıisti sanattary bolsa qosymsha aqy tó­lenetin bolǵan. 

PETROPAVL