Qyzylordada bala kútýshi quny úsh mıllıon teńgeden asatyn zergerlik buıymdardy urlap ketti, dep habarlaıdy Egemen.kz Polisia.kz saıtyna silteme jasap.
Qyzylordada úı ıesiniń zergerlik buıymdaryn urlaǵan bala kútýshi ustaldy.
10 shilde kúni Qyzylordada jergilikti turǵyn polısııaǵa habarlasyp, qymbat zergerlik buıymdarynyń urlanǵanyn aıtqan. Jatyn bólmedegi shkaftyń ishinen quny úsh mıllıonnan asatyn qymbat zergerlik buıymdar urlanǵan. Jedel-izdestirý sharalarynyń nátıjesinde urlyq jasaǵan bala kútýshi anyqtalyp, ustaldy.
Qazirgi tańda kúdikti áıelge qatysty Qazaqstan Respýblıkasy Qylmystyq kodeksiniń 188-babynyń 3-bóligimen (Urlyq) sotqa deıingi tergep-tekserý amaldary júrgizilýde. Oqıǵanyń mán-jaılary anyqtalýda.