28 sáýirde “Nur Otan” partııasynda partııaaralyq keńestiń kezekti otyrysy ótti. Jıynǵa qatysýshylar eń ózekti taqyryptardyń biri – kórshiles Qyrǵyzstandaǵy jaǵdaıdy talqylady, dep habarlady osy partııanyń baspasóz qyzmeti.
“Nur Otan” partııasy Tóraǵasynyń birinshi orynbasary Nurlan Nyǵmatýlın atap ótkendeı, “Prezıdentimiz, partııa Kóshbasshysy Nursultan Nazarbaevtyń halyqaralyq joǵary bedeliniń, azamattyq batyl qımylynyń arqasynda Qyrǵyzstanda azamat soǵysy qaýpi joıyldy. Elde qoǵamdyq-saıası turaqtylyqty qamtamasyz etý úshin Úkimettik deńgeıde kelissózder júrgizilýde”.
Otyrys nátıjesinde Qyrǵyzstandaǵy qaıǵyly oqıǵalar jáne EQYU-ǵa tóraǵa retinde Qazaqstan tarapynan qabyldanyp jatqan sharalar týraly partııaaralyq keńeske qatysýshylardyń úndeýi qabyldandy.
Úndeýde kórshi Qyrǵyzstanda bolǵan oqıǵalarǵa qatysty alańdaýshylyq, azamat soǵysyna jol bermegen Qazaqstan basshylyǵynyń batyl qadamdary men tolyqtaı qoldaý kórsetýi jóninde aıtylady. Partııaaralyq keńeske qatysýshylar barlyq saıası kúshterdi Qyrǵyzstandaǵy jaǵdaıdy qaıtalamaýǵa shaqyrdy. Ásirese, Qazaqstan halqynyń ómirin jaqsartýǵa baǵyttalǵan memlekettik baǵdarlamalar men jobalardy oryndaýda halyq birligine erekshe kóńil bólindi.