Qazaqstandyq orta salmaqtaǵy boksshy Jánibek Álimhanuly álem chempıony ataǵy úshin jekpe-jek ótkizýge daıyn ekendigi týraly málimdeme jasady, dep habarlaıdy Egemen.kz Sports.kz saıtyna silteme jasap.
Qazirgi ýaqytta orta salmaqtaǵy chempıondar qatarynda amerıkalyq Djermall Charlo (WBC) jáne Demetrıýs Andrade (WBO), qazaqstandyq Gennadıı Golovkın (IBF, IBO) jáne Japonııa ókili Rıota Mýrata (WBA Super) bar.
«Men chempıondyq jekpe-jekti qalaımyn. Men WBO reıtınginde ekinshi nómirmin. Mýngııa - reıtıngtiń birinshi nómiri. Olar menimen dýelge kelispeıtinin bilemin. Sebebi men olardy nokaýtqa jiberetinimdi bilemin. Andrade? Ol qaıda? Maǵan WBO álem chempıony ataǵy kerek», dep jazdy Jánibek Twitter-degi paraqshasynda.