Memleket basshysy Nursultan Nazarbaev Astana qalasyndaǵy Kongress-hollda ótken Respýblıkalyq ulannyń Prezıdenttik orkestriniń konsertin tamashalady, dep habarlady Qazaqstan Respýblıkasy Prezıdentiniń baspasóz qyzmeti.
Prezıdenttik orkestrdiń konserttik baǵdarlamasy Uly Otan soǵysyndaǵy Jeńistiń 65 jyldyǵyna arnalǵan. Mahmut Qasymbekovtiń sózine jazylyp, Memleket basshysyna arnalǵan Bekbolat Tileýhan men Rústem Beısenulynyń “Jan aǵa” atty áni, sondaı-aq aqyn Nesipbek Aıtulynyń sózine jazylǵan Respýblıkalyq ulannyń áskerı qyzmetkerleri Talǵat Berdiǵulov pen Nurlan Qamzınniń “Astana týraly tolǵaý” atty áni alǵash ret shyrqaldy.
Baǵdarlamada sondaı-aq orkestrdiń oryndaýynda halyq kompozıtory Túrkeshtiń kúıi “Kóńil ashar”, álem elderiniń mýzykalyq shyǵarmalarynan popýrrı, sonymen qatar qazaq, orys jáne qytaı halyq bıleri oryndaldy.