Aýǵanstannyń ulttyq qorǵanys jáne qaýipsizdik kúshteri sońǵy 24 saǵat ishinde «Talıban» qozǵalysynyń 187 sodyryn joıdy, taǵy 112 adamyn jaralady. Bul týraly seısenbide Aýǵanstan qorǵanys mınıstrligi óziniń Twitter-degi paraqshasynda habarlady.
Vedomstvonyń málimetinshe, ótken táýlikte aýǵan qarýly kúshteri Kýnar, Logar, Gaznı, Host, Kandagar, Ýrýzgan, Farıab, Balh, Djaýzjan, Samangan, Gılmend, Tahar, Qundyz, Baǵlan jáne Kapısa provınsııalarynda jaýyngerlik operasııalar júrgizdi.
Balh provınsııasynda qaýipsizdik kúshteri Haıraton qalasyn jáne Aýǵanstan men О́zbekstandy baılanystyratyn strategııalyq mańyzdy kópir ornalasqan Kaldar aýdanyn «Talıbannan» bosatty.
Al «Talıban» Kapısa provınsııasyndaǵy Dara Farroh Shah jáne Dara Kalan aýdandarynda qarsy shabýyl jasady. Farıab provınsııasynda «Talıban» arnaıy kúshteriniń komandırleriniń biri Karı Haııatýlla óltirildi.