Elordanyń monıtorıng toptary ótken táýlikte karantın talaptaryn buzǵan 5 mekemeni anyqtady, dep habarlaıdy Egemen.kz Nur-Sultan ákimdiginiń resmı saıtyna silteme jasap.
Keıbir mekemeler monıtorıngtik top múshelerin ishke kirgizbeı, esigin ishinen jaýyp alyp jumys istegen. Olardyń arasynda «The Bus» mýzykalyq bary, «Laǵman jáne palaý ortalyǵy» kafesi, «Alanya» karaoke-meıramhanasy bar.
Karantın talaptaryn buzǵandar qatarynda Baıqońyr aýdanynda ornalasqan «Black House» kompıýterlik klýby da bar.
Esil aýdanynda «Aura Club Alanya» túngi klýby belgilengen ýaqyttan keıin de jumys istedi.
Almaty aýdanynda «Mansion» karaoke-bary men «HZ» bary jumys rejımin buzdy.
Saryarqa aýdanyndaǵy «As» ashanasynda da karantın shekteýleri saqtalǵan joq.
Tártip buzýshylarǵa qatysty jınalǵan materıaldar tıisti shara qoldaný úshin aýdandyq sanıtarlyq-epıdemıologııalyq baqylaý basqarmalaryna tapsyryldy.
Esterińizge sala keteıik, elordadaǵy epıdemıologııalyq ahýal turaqsyz bolyp qalýda. Kún saıyn 1300-den astam adamnyń koronavırýs juqtyrǵany anyqtalyp jatyr.