Qyzylordada tergeý ızolıatoryna kelgen sálemdeme arasynan telefon shyqty, dep jazady Egemen.kz.
Qyzylorda oblysy boıynsha QAJ departamentiniń ZK-169/1 mekemesinde sálem-saýqattardy qabyldaý bólmesindegi baqylaýshy qyzmetkerler taǵy da tyıym salynǵan zatty taýyp, tárkiledi. Mekeme qamaýyndaǵy sotty bolǵan azamatqa sálemdeme alyp kelgen áıel «IRBIS» markaly telefondy, onyń qýattaǵysh qurylǵysyn jáne Sim-kartany polıtelın paketke orap, palaý men salat ishine jasyryp ótkizbek bolǵan. Alaıda, taǵamǵa jasyrylǵan «tosyn syıdy» baqylaýshy qyzmetkerler birden ańǵaryp, tárkilep, ishke ótip ketpeýdiń aldyn aldy.
Qamaýdaǵy sottalǵan «Urlyq» babymen 5 jyl 6 aıǵa bas bostandyǵynan aıyrylǵan.
Qazir atalǵan fakti boıynsha QR ÁQBtK-niń 481 babyna sáıkes is-qujattary prosessýaldyq sheshim qabyldaý úshin Qyzylorda qalalyq ákimshilik sotyna joldandy.