9 tamyzda Atyraý qalasyndaǵy ortalyq kópir ústinde birneshe kólik soqtyǵysty, dep habarlaıdy Egemen.kz, oblystyq polısııa departamenti baspasóz qyzmetine silteme jasap.
«Jol-kólik oqıǵasynyń mán-jaıyn tekserý kezinde, aldymen «Folksvagen Djeta» avtokóliginiń júrgizýshisi tejegishti basqany anyqtaldy. Sol kezde oǵan «Lada Granta» markaly avtokóligi soqtyǵysqan. Materıaldyq shyǵyn bolmaǵandyqtan, eki kólik júrgizýshisi oqıǵa ornynan ketip qalǵan. «Hıýndaı Santa Fe» avtokóligi «Hıýndaı Aksent» avtokóligine soqtyǵysyp, bul kólik soqqy ekpinimen aldyndaǵy «Lada Prıora» avtokóligin artynan túıgen», dep habarlady departamenttiń baspasóz qyzmeti.
«Hıýndaı Santa Fe» avtokóliginiń júrgizýshisine qatysty QR Ákimishilik quqyqbuzýshylyq týraly Kodeksiniń 610-babynyń 1-bóligimen (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) ákimshilik hattama toltyrylyp, ákimshilik sotqa joldandy.