Qazaqstanda 8 myńnan astam adamǵa qoǵamdyq kólikte jol aqysyn tólemegeni úshin aıyppul salyndy, dep habarlaıdy Egemen.kz qalalyq kólik júıeleriniń baspasóz qyzmetine silteme jasap.
«Jyl basynan beri Qazaqstanda jol aqysyn tólemegen 8081 jolaýshy ákimshilik jaýapkershilikke tartyldy, onyń 65%-y Nur-Sultan qalasynda tirkeldi», dep jazylǵan baspasóz habarlamasynda
2021 jyldyń 7 aıynda elordada kóliktik baqylaý departamenti qoǵamdyq kólikte jol júrý aqysyn tóleýden jaltarǵan 134 558 derekti anyqtady. Onyń ishinde 5 290 azamat ákimshilik jaýapkershilikke tartyldy. Salynǵan aıyppuldardyń jalpy somasy 29 mıllıonnan astam teńgeni qurady.
Sonymen qatar, jolaýshylar arasynda jeńildikteri men oqýshy kartalaryn basqa adamǵa paıdalaný úshin beretin jolaýshylar bar. Kóliktik baqylaý qyzmetkerleri osyndaı 1111 kartany tárkiledi. Onyń ishinde 339-y jeńildikpen, al 772-si - oqýshy kartasy.
Elordadan keıin Almaty (1524) jáne Shyǵys Qazaqstan oblysynda (1026) da jol aqysynan jaltaratyndar kóp.