Jylyoı aýdanyndaǵy Teńiz ken ornynda jumys isteıtin qyzmetkerlerdiń arasynda vaksına saldyrǵandar sany 92 paıyzǵa jetti, dep habarlaıdy Egemen.kz.
«Teńizshevroıl» JShS-niń baspasóz qyzmeti usynǵan derekke qaraǵanda, ken ornyna jumys isteıtin 48 myńnan astam adam vaksınanyń I komponentin saldyrǵan. Vaksınanyń tolyq komponentin alǵan 37 myńnan asyp otyr.
«Kompanııa ken ornynda qaýipti vırýstyń taralýyn boldyrmaý úshin qyzmetkerler men jumysshylardyń vaksına saldyrýyna bar múmkindikti jasap otyr. «Teńizshevroıl» JShS men seriktes mekemelerdiń qyzmetkerleri Atyraý, Qulsary, Nur-Sultan, Almaty, Oral, Aqsaı, Shymkent, Aqtóbe, Aqtaý, Qyzylorda, Taraz, Kókshetaý, Túrkistan, Taldyqorǵan jáne Jańaózen qalalaryndaǵy «Medıker» ortalyqtarynda vaksına saldyra alady. Bul elimizdiń basqa óńirlerinde turatyn áriptesterimiz úshin yńǵaıly», dep habarlady kompanııanyń baspasóz qyzmeti.