2013 jylǵy 25 jeltoqsan, Astana qalasy
Qazaqstan Respýblıkasynyń Ulttyq Banki Basqarmasynyń «2006 jylǵy úlgidegi jáne 2011 jylǵy úlgidegi nomınaly 5000 teńgelik banknottardyń qatar aınalysta bolý kezeńin belgileý týraly» 2011 jylǵy 26 jeltoqsandaǵy № 213 qaýlysyna ózgeris engizý týraly
«Qazaqstan Reslýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes jáne Qazaqstan Respýblıkasy Ulttyq Bankiniń normatıvtik quqyqtyq aktilerin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi:1. Qazaqstan Respýblıkasynyń Ulttyq Banki Basqarmasynyń «2006 jylǵy úlgidegi jáne 2011 jylǵy úlgidegi nomınaly 5000 teńgelik banknottardyń qatar aınalysta bolý kezeńin belgileý týraly» 2011 jylǵy 26 jeltoqsandaǵy № 213 qaýlysyna (Normatıvtik quqyqtyq aktilerdi memlekettik tirkeý tiziliminde № 7382 tirkelgen, «Egemen Qazaqstan» gazetinde 2012 jylǵy 26 qańtardaǵy № 37-38 (27110) jarııalanǵan) mynadaı ózgeris engizilsin: 1-tarmaq mynadaı redaksııada jazylsyn:«1. 2006 jylǵy úlgidegi (budan ári - eski úlgidegi aqsha belgisi) jáne 2011 jylǵy úlgidegi (budan ári - jańa úlgidegi aqsha belgisi) nomınaly 5000 teńgelik banknottardyń qatar aınalysta bolý kezeńi - 2011 jylǵy 30 jeltoqsannan bastap 2015 jylǵy 31 jeltoqsan aralyǵy bolyp belgilensin.».2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne 2014 jylǵy 1 qańtardan bastap týyndaǵan týyndaǵan qatynastarǵa qoldanylady.
Ulttyq Bank Tóraǵasy Q.KELIMBETOV.