Qazaqstandyq Nomad Stunts tobynyń kaskaderleri Gollıvýd akteri Semıýel L.Djeksonmen birge fılmge tústi, dep habarlaıdy Egemen.kz Tengrinews.kz -ke silteme jasap.
«Kıller kodeksi» fılminiń kórsetilimi búkil álemde ótedi. Onda Semıýel L. Djekson, Meggı Kıý jáne Maıkl Kıton oınaıdy. Sonymen qatar fılmge qazaqstandyq Nomad Stunts tobynyń 10 kaskaderi qatysqan.
«Túsirilimge qatysý týraly usynys 2019 jyldyń sońynda tústi. Biz kaskaderlerdi tańdadyq - fılm úılestirýshisi men rejısser suranysyna sáıkes keletin segiz jigit pen eki qyz. 2020 jylǵy aqpanda Rýmynııada bolǵan túsirilimge bizdiń kaskaderler ushyp bardy. Jalpy olar onda shamamen eki aı boldy. Bir aı daıyndyqqa, montajǵa, jattyǵýlarǵa, ekinshisi - túsirilimge jumsaldy», dedi Nomad Stunts halyqaralyq kaskaderlar tobynyń jetekshisi, Qazaqstannyń eńbek sińirgen qaıratkeri Jaıdarbek Kúnǵujınov.
Nomad Stunts kaskaderleri tek túsirilimge qatysyp qana qoımaı, keıipkerlerdi dýblıajdap, sonymen qatar epızodtyq kórinisterge akter retinde qatysqan.