Shyǵys Qazaqstan oblysyndaǵy 533 mektepte beınebaqylaý júıesi talapqa sáıkes kelmeıdi, dep habarlaıdy Egemen.kz.
Búgingi tańda óńir boıynsha 647 mektep bar. Onyń 637-si beınebaqylaý júıesimen jabdyqtalǵan. Alaıda tekseris barysynda bilim ordalarynyń basym bóliginde beınebaqylaý júıesiniń durys jumys istemeıtindigi anyqtaldy.
Bul jaıly ShQO Bilim salasyndaǵy sapany qamtamasyz etý departamentiniń basshysy Zeınep Mahsýtova málim etti.
«Oblys mektepterine jasalǵan monıtorıng nátıjesinde, 533 (82,3%) bilim berý mekemesiniń beınebaqylaý júıesi bekitilgen standarttarǵa sáıkes emestigi belgili bolyp otyr. Sondaı-aq 10 mektepte kameralar durys jumys istemeı kelgen. Barlyq mektepter beınebaqylaý júıesin qosymsha jabdyqtaýǵa jáne jańartýǵa ótinim berdi», deıdi ol.
Zeınep Mahsýtovanyń aıtýynsha, atalǵan kemshilikterdi joıý úshin bıýdjetten qajetti qarajat bólingen. Osy jyldyń qyrkúıek aıyna deıin tıisti jumystar atqarylady dep kútilýde.