Qazaqstan Premer-Mınıstriniń birinshi orynbasary Á.Smaıylov bastaǵan qazaqstandyq delegasııa Qatar memleketine jumys saparymen bardy, dep habarlady Úkimettiń baspasóz qyzmeti.
Sapar barysynda Premer-Mınıstrdiń orynbasary – Syrtqy ister mınıstri Sheıh Muhammed ben Abdýrahman ál-Tanımen, Mýnısıpalıtet jáne qorshaǵan ortany qorǵaý mınıstri Abdýlla ben Abdýlazız ben Túrkı ál-Sýbaıemen, Qatar Saýda-ónerkásip palatasynyń birinshi orynbasary Muhammed bın Taýar ál-Kovarımen, Qatar Airways basshysy Akbar ál-Beıkermen jáne Qatar Investment Authority men Hassad Food ulttyq kompanııalarynyń basshylarymen kezdesýler ótti.
Qazaqstan-Qatar iskerlik keńesi eki eldiń isker toptarynyń qatysýymen ótti, onda Qazaqstan men Qatar arasyndaǵy saýda-ekonomıkalyq jáne ınvestısııalyq yntymaqtastyqtyń basym baǵyttary talqylandy. Premer-Mınıstrdiń birinshi orynbasary Á.Smaıylov saýda-ekonomıka jáne ınvestısııa salalaryndaǵy ekijaqty yntymaqtastyqty damytýdyń úlken áleýeti bar ekenin atap ótip, eki el arasyndaǵy memleketaralyq qatynastardy tereńdetý men keńeıtýge jeke sektordy belsendi tartýdyń mańyzdylyǵyn atap ótti.
Shara barysynda Qazaqstannyń birqatar ulttyq kompanııasy men iri kásiporyndarynyń basshylary qatarlyq bıznes ókilderine elimizde sheteldik ınvestorlar úshin jasalǵan ekonomıkalyq múmkindikter jóninde baıandady. Qazaqstandyq delegasııa quramynda «Samuryq-Qazyna» UÁQ» AQ, Kazakh invest UK AQ, Kazakh Tourism UK AQ, «Báıterek» UBH» AQ basshylary, Qazaqstan Respýblıkasynyń Syrtqy ister, Aýyl sharýashylyǵy, Ulttyq ekonomıka, Mádenıet jáne sport vıse-mınıstrleri, munymen qosa BI Group, Agro Holding Dinara Group, Target AI, Evotech CA sekildi iri kompanııalardyń basshylary boldy.