Qyrǵyzstannyń burynǵy Premer-Mınıstri Muhammedqalı Ábilǵazıev sot sheshimimen úıqamaqqa bosatyldy, dep habarlaıdy Egemen.kz.
Bul týraly TASS-qa arnaıy qyzmettiń ókili habarlady.
«Ábilǵazıevke qatysty sot ony úıqamaqqa jiberý týraly sheshim shyǵardy», dedi agenttiktiń derek kózi.
Onyń aıtýynsha, burynǵy úkimet basshysy shamamen 50 mıllıon somdy (shamamen 590 myń dollar) tóleý arqyly memleketke keltirilgen zalaldy ishinara ótegen.
Aıta ketelik, Ábilǵazıev 2018-2020 jyldar aralyǵynda Mınıstrler kabınetin basqardy.
2021 jyldyń qańtarynda ol Centerra Gold sheteldik ınvestorlary ıgeretin «Qumtór» altyn kenishindegi sybaılas jemqorlyqqa qatysty tergeý aıasynda ustaldy.