Almaty oblysynda kisi óltirýge oqtalǵan 20 jasar jigit ustaldy, dep habarlaıdy Egemen.kz Polisia.kz saıtyna silteme jasap.
21 tamyzda Eńbekshiqazaq AIJ kezekshi bólimine aýdandyq ortalyq aýrýhanadan Jetigen kentiniń 41 jastaǵy turǵynyn pyshaq jaraqatymen aýrýhanaǵa jatqyzǵany týraly habar tústi. Jábirlenýshi óziniń aýyr jaǵdaıyna baılanysty oqıǵa jóninde jaýap bere almady.
Oqıǵa kýágerleriniń kómegimen kúdiktiniń jeke basy anyqtalyp, kelesi kúni ustaldy. Kúdikti jasaǵan isin moıyndap, avtokólik satqan áriptesteriniń úıinde ishimdik ishkenin túsindirdi. Ishimdikke masaıǵan er adamdardyń arasynda janjaldyń bolǵany anyqtaldy. Jábirlenýshi uıyqtap jatqanda, kúdikti ony birneshe ret pyshaqtap, oqıǵa ornynan qasha jónelgen.
Qazirgi ýaqytta QR QK 106-baby 1-bóligi boıynsha sotqa deıingi tergeý sharalary júrgizilýde.